வருகிற 29ந்தேதி ஆலங்குளம் வருகை தரும் முதல்வர் மு.க.ஸ்டாலினுக்கு நெல்லை மேற்கு மாவட்ட திமுக சார்பில் உற்சாக வரவேற்பு அளிக்கப்படவுள்ளதாக மாவட்ட பொறுப்பாளர் இரா.ஆவுடையப்பன் தெரிவித்தார்.
திமுக தலைவரும், தமிழக முதல்வருமான மு.க.ஸ்டாலின் தென்காசி மாவட்டத்தில் வருகிற 29ந்தேதி நடைபெறும் அரசு நிகழ்ச்சியில் கலந்து கொண்டு பயனாளிகளுக்கு நலத்திட்ட உதவிகளை வழங்கியும், நிறைவு பெற்ற பல்வேறு திட்டப்பணிகளை மக்கள் பயன்பாட்டிற்கு அர்ப்பணித்தும், புதிய திட்டப்பணிகளை தொடங்கி வைத்தும் சிறப்புரை ஆற்றவுள்ளார்.
இந்நிகழ்ச்சியில் கலந்து கொள்வதற்காக அன்று காலை சென்னையில் இருந்து விமானம் மூலம் தூத்துக்குடி வருகை தரும் முதல்வர் சாலை மார்க்கமாக தென்காசி செல்கிறாhர். அவருக்கு நெல்லை மேற்கு மாவட்டம், ஆலங்குளம் சட்டமன்ற தொகுதி திமுக சார்பில் ஆலங்குளத்தில் பிரமாண்ட வரவேற்பு அளிக்கப்படவுள்ளது. இது தொடர்பாக ஆலங்குளம் சட்டமன்ற தொகுதிக்குட்பட்ட ஒன்றிய, பேரூர் திமுக நிர்வாகிகள் ஆலோசனை கூட்டம் ஆலங்குளத்தில் நடைபெற்றது.
இக்கூட்டத்திற்கு முன்னாள் சபாநாயகரும், மாவட்ட பொறுப்பாளருமான இரா.ஆவுடையப்பன் தலைமை வகித்து பேசியதாவது:- 3 ஆண்டுகளுக்கு பிறகு தென்காசி மாவட்டத்திற்கு முதல்வர் மு.க.ஸ்டாலின் வருகை தரவுள்ளார். அவரை வரவேற்கும் விதமாக ஆலங்குளத்தில் மேற்கு மாவட்ட திமுக சார்பில் பிரமாண்ட ஏற்பாடுகள் செய்யப்பட்டு வருகிறது. வரவேற்பு நிகழ்ச்சியில் ஆலங்குளம் சட்டமன்ற தொகுதிக்குட்பட்ட நிர்வாகிகள் மட்டுமின்றி பொதுமக்களும் திரண்டு வந்து முதல்வருக்கு உற்சாக வரவேற்பு அளித்திட வேண்டும்.என்றார்.
கூட்டத்தில் ஆலங்குளம் சட்டமன்ற தொகுதி பார்வையாளர் கணேஷ்குமார் ஆதித்தன், தலைமை செயற்குழு உறுப்பினர் ஆ.பிரபாகரன், ஒன்றிய திமுக செயலாளர்கள் பொன்செல்வன், சிவன்பாண்டியன், சிவகுமார், ஜெயக்குமார், மகேஷ்மாயவன், செல்லத்துரை, சமுத்திரபாண்டி, மாரிவண்ணமுத்து, குமார், பேரூர் செயலாளர்கள் ஜெகதீசன், நெல்சன், அழகேசன், ஆலங்குளம் யூனியன் சேர்மன் திவ்யா மணிகண்டன், கீழப்பாவூர் பேரூராட்சி தலைவர் ராஜன், ஒன்றிய கவுன்சிலர் ஆலடி எழில்வாணன், ஒன்றிய இளைஞரணி அமைப்பாளர் கோமு மற்றும் நிர்வாகிகள் தளபதிமுருகேசன், தங்கேஸ்வரன், சரஸ்வதி, மாரியப்பன் உள்ளிட்ட நிர்வாகிகள் கலந்து கொண்டனர்.
0 Comments