மேஷம் ராசிபலன்
இன்று, சிறியதும், இனிமையானதுமான சொர்க்கமாக உங்களது வீடுதான் இருக்கிறது. ஆசீர்வாதத்தின் மறு உருவமாக அந்த குடும்பம் இருக்கும். இன்று, நீங்கள் அதை உணர்வீர்கள். நிதி சம்மந்தமான விஷயங்களைப் பொறுத்தவரையில், விஷயங்கள் ஒளிமயமாகத் தெரிகின்றன. உங்களின் மனக்கிளர்ச்சியானது உச்சத்தில் இருக்கும். நீங்கள் விரைவாக பேசுவீர்கள். தீர்க்கமான முடிவுகளுக்கு விரைவாகச் செல்வீர்கள். சிக்கலில் ஆழ்வதற்கு முன்பாகவே, உங்களை நீங்களே வேகப்படுத்திக் கொள்ளுங்கள்.
ரிஷபம் ராசிபலன்
இது ஒரு அற்புதமான பயணத்திற்கான நேரம், எனவே அந்த பயணத்திற்குக் கொண்டு செல்லும் பையை வெளியே எடுங்கள். இதை சிறியதாக இருக்கும்படி பார்த்துக் கொள்ளுங்கள். இந்த பயணமானது எந்த ஒரு தொழிநுட்ப கருவிகளும் இல்லாத பயணமாக இருக்கட்டும்! இது நிச்சயமாக உங்களுக்கு வரவேற்கத்தக்க மாற்றமாக இருக்கும். மேலும், இது உங்களுக்கு ஆரோக்கியத்தை அளிக்கும். உங்களது நீண்ட கால எதிரி உங்கள் உதவியை நாடுவார், அவருக்கு நீங்கள் உதவ வேண்டும். நீங்கள் செய்யும் உதவிகள் குறுகிய காலத்தில் உங்களுக்கு வெகுமதியைப் பெற்றுத் தரும்.
மிதுனம் ராசிபலன்
இன்று, உங்களுக்கு சில பின்னடைவுகள் ஏற்படும். உங்களுக்கு நண்பர்கள் உதவி செய்வார்கள். நீங்கள் விரும்பாவிட்டாலும் அன்பாகவும், உற்சாகமூட்டும் வார்த்தைகளைப் பேசுவதையும் உறுதிப்படுத்திக் கொள்ளுங்கள். உங்கள் வாழ்க்கையின் பல சூழல்களில் உடனடி முன்னேற்றத்தைக் காண இப்போது நேரம் சாதகமாக இருக்கிறது. மாற்றங்களுக்கு ஏற்ப மாற்றிக் கொள்ள வெட்கப்பட வேண்டாம். உங்களுக்கு சவால்களை முறியடிக்கும் சக்தி உங்களுக்கு இருப்பதால், அதிகமாக நன்மைகளே ஏற்படும். நீங்கள் அதிகமாகப் பேசாத குடும்பத்தினர் மற்றும் நண்பரிடம் பேசி சமாதானமாகச் செல்லுங்கள். இது உங்கள் நேர்மறை எண்ணங்களை அதிகரிக்க உதவும்.
கடகம் ராசிபலன்
மகிழ்ச்சியாக இருங்கள். உங்கள் எதிர்காலத்தை மேம்படுத்தும் புதிய வாய்ப்புகள் உங்களை நோக்கி வந்து கொண்டிருக்கிறது. இந்த வாய்ப்பை நீங்கள் முழுவதுமாக பயன்படுத்திக் கொள்ள வேண்டும். மற்றவர்களை கையாள்வதில் உங்களுக்குள்ள திறமைகள் மிகவும் உபயோகமானதாக இருக்கும். இன்றைய தினத்தில் மன அழுத்தம் அதிகமாக இருக்கலாம், அந்த மன அழுத்தம் உங்களை முழுமையாக ஆட்கொண்டு விடாமல் பார்த்துக் கொள்ளுங்கள். மற்றவர்களை பாராட்டும் போது, பரந்த மனதுடன் நடந்து கொள்ளுங்கள். இன்று, நீங்கள் செய்யும் செயல்கள், ஒருவரை மகிழ்ச்சியில் ஆழ்த்த வேண்டும் என்பதில் உறுதியாக இருங்கள்.
சிம்மம் ராசிபலன்
யாரோ ஒருவர் உங்களுக்குத் துரோகம் இழைத்திருக்கலாம், அவர்களின் நடத்தையால் நீங்கள் மிகவும் வேதனைப்பட்டு இருக்கலாம் அல்லது அதிர்ச்சி அடைந்து இருக்கலாம் . ஆனால், இந்த துரோகத்திலிருந்து நீங்கள் நன்கு பாடம் கற்றுக் கொள்ள வேண்டுமே தவிர, அந்த துரோகத்தை நினைத்து வருத்தப்பட்டுக் கொண்டே இருக்கக் கூடாது. நீங்கள் கஷ்டங்களை எதிர்கொள்ளும்போது உங்கள் குடும்பமே உங்களுக்கு ஆதரவாக இருப்பார்கள். இன்று உங்கள் அதிருப்தியை வெளிப்படுத்தத் தயங்க வேண்டாம். ஒருவேளை அந்த நபருக்கு இரண்டாவது வாய்ப்பை வழங்க நீங்கள் விரும்பினால், அந்த வாய்ப்பை வழங்குங்கள், ஆனாலும், மனக்கண்ணால் தொடர்ந்து அவரை கண்காணித்துக் கொண்டே இருங்கள்.
கன்னி ராசிபலன்
நீங்கள், உங்கள் பணிகளைச் செய்யத் தொடங்குங்கள், இன்று உங்களால் செய்யக்கூடியதில் சிறந்ததைச் செய்ய விரும்புவீர்கள். உங்கள் தற்போதைய முயற்சிகளில் உங்களுக்கு வழிகாட்டக்கூடிய சரியான நபர்களுடன் தொடர்பு கொள்ள நீங்கள் கற்றுக்கொள்ள வேண்டும். இன்று உங்களுக்கு ஒரு நன்மை நடைபெற வாய்ப்புள்ளது. மேலும், நீங்கள் செய்யும் செயல்கள் மனதளவில், உங்களை நன்றாக உணரச் செய்யும். இன்று நீங்கள் செய்யும் செயல்களில் உங்களுக்கு நம்பிக்கை குறைவாக இருக்கலாம், உங்கள் முதுகில் தட்டிக் கொடுத்து ஊக்குவிக்க யாராவது ஒருவர் உங்களுக்குத் தேவைப்படலாம்.
துலாம் ராசிபலன்
வாழ்க்கையில் யாரையும் கண்மூடித்தனமாக நம்பக் கூடாது என்பதைக் கற்றுக்கொள்ளுங்கள். மற்றவர்களைக் கண்மூடித்தனமாக நம்பத் தொடங்கினால், நீங்கள் கண்டிப்பாக இதயம் நொறுங்கிப் போகும் அளவுக்கு வலிகளைப் பெறுவீர்கள். பணம் மட்டுமே உங்கள் வாழ்க்கையின் இறுதி இலக்காக இருக்கும்போது, உங்கள் கவனத்தை ‘பணம் சம்பாதிப்பதில்’ இருந்து விலகி உங்கள் திறமைகளை அதிகரிக்கும் செயல்களில் கவனம் செலுத்தவும். இதுபோன்ற விஷயங்களை எப்போதும் உங்கள் உள் மனது எச்சரித்துக் கொண்டே இருக்காது, அதனால், அற்ப விஷயங்களை ஒதுக்கி வைக்கக் கற்றுக்கொள்ளுங்கள். இது மட்டுமே வாழ்க்கையில் உங்களை மெதுவாகச் செல்ல வைக்கும்.
விருச்சிகம் ராசிபலன்
உங்கள் நிதி நிலை பாதிக்கப்படுவதாகத் தோன்றுகிறது. அதைச் சரி செய்வதில் நீங்கள் கவனம் செலுத்த வேண்டியது மிகவும் அவசியம். மனதில் தோன்றும் பொருட்களை வாங்குவதைத் தவிர்க்கவும். அப்படி தேவையற்ற வாங்கி செலவு செய்தால், நீங்கள் மாத இறுதியில் வருத்தப்பட வேண்டியிருக்கும். வாழ்க்கை உங்களைச் சோர்வடையச் செய்து விட்டதாகவும், அதே நேரத்தில் நீங்கள் நிறைய விஷயங்களை எதிர்த்துப் போராடுவதாகவும் உணர்கிறீர்கள். உங்களை நீங்களே உற்சாகப்படுத்துங்கள். உங்கள் பிரச்சனைக்கு விரைவில் தீர்வுகளைப் பெறுவீர்கள். ஓய்வெடுக்கவும் அல்லது வாழ்க்கையின் இன்பங்களைப் பெற்றிடத் தினமும் சிறிது நேரம் ஒதுக்குங்கள். உங்களுக்கு உண்மையில் தேவையில்லாத விஷயங்களுக்காக அதிக செலவு செய்ய வேண்டாம்.
தனுசு ராசிபலன்
மக்கள் அனைவரும் வாழ்நாள் முழுவதும் நம்முடன் இருக்க மாட்டார்கள். உங்கள் அன்புக்குரியவர் உங்களை விட்டுச் சென்றாலும், அதை ஏற்றுக்கொள்ள நேரம் ஒதுக்குங்கள். உங்கள் குடும்பம் உங்களுக்குப் பக்கபலமாக இருக்கும். அவர்கள் இல்லாதது உங்கள் வாழ்க்கையைப் பாதித்து விடக் கூடாது. நீங்கள் செல்ல வேண்டிய பாதையில் மெதுவாகப் பயணிக்க வேண்டும். புதிய சூழல்களிலிருந்து புதிய யோசனைகளை மனதில் உள்வாங்கிக் கொள்ள வேண்டும். இந்த மாற்றம் மிகவும் அவசியம் என்பதுடன், அதற்கு ஏற்ப செயல்படத் துவங்குங்கள்.
மகரம் ராசிபலன்
கடந்த சில நாட்களாக நீங்கள் சிரமப்படுவதால், ஓய்வு எடுக்க வேண்டியது அவசியமாகும். உங்கள் பணி, அர்ப்பணிப்பு மற்றும் வேலை மற்றும் சமூகம் குறித்த அணுகுமுறை போற்றப்படுவது உண்மைதான் என்றாலும், உங்கள் பார்வையில் படாமல் இருக்கும் விஷங்கள் உங்கள் வீட்டில் இருக்கின்றன. உங்கள் குடும்பத்தினருடன் நேரம் செலவிடுவது தற்போது மிகவும் முக்கியமானதாக உள்ளது. உங்கள் நெருங்கிய நண்பரைப் பாராட்டுங்கள். இது அவருடன் நீங்கள் நேர்மையான நட்பு இருக்கச் செய்கிறது.
கும்பம் ராசிபலன்
சமீப காலமாக நீங்கள் மனச்சோர்வடைந்து உள்ளீர்கள். நீங்கள் முன்பு போல் சுறுசுறுப்பாக இல்லை என உணர்கிறீர்கள். உங்களைப் பழைய படி மாற்றிக் கொள்ளச் சிறிது நேரம் தேவைப்படும். அது குறித்து நீங்கள் இன்று முடிவு செய்ய வேண்டும். முக்கிய விஷயங்களில் அவசரப்பட வேண்டாம். மெதுவாக, ஒரு விஷயத்தை எடுத்துக் கொண்டு செயல்படுத்துங்கள். பல விஷயங்கள் உங்களைப் பாதிக்கும். உங்கள் மன அழுத்தத்திலிருந்து விடுபட வேண்டும். உங்களை மீண்டும் பழைய பாதைக்குக் கொண்டு வர உங்கள் குடும்பத்தினர் மற்றும் நண்பர்களின் உதவியைப் பெறுங்கள்.
மீனம் ராசிபலன்
யாரும் வந்து உங்கள் கதவை தட்டி, உங்களுக்கான மேஜையை போட்டு உங்களை உட்கார வைப்பார்கள் என்று காத்திருக்க வேண்டாம். எல்லா வேலைகளையும் நீங்களே செய்யவேண்டும். நீங்கள் செல்லும் வழியில் நிறைய வாய்ப்புகள் வரும். அதில் உங்களுக்கு நல்ல முன்னேற்றத்தை தரும் வாய்ப்பில் சரியானவற்றை கண்டுபிடிக்க வேண்டும். உங்கள் வழியில் செல்லும் வாய்ப்புகளை தேர்வு செய்யும் போது, மற்றவர்ளின் மகிழ்ச்சியை கெடுக்காமல், பார்த்து கொள்ளுங்கள். மற்றவர்களின் கவனத்தை ஈர்க்க, அற்பத்தனமான செயல்களில் ஈடுபட வேண்டாம்.
0 Comments