ரூ.20 ஆயிரம் கோடி வங்கிக் கடன் மோசடி.... 35 இடங்களில் அமலாக்கத் துறையினர் சோதனை

 

ரூ.20 ஆயிரம் கோடிக்கு மேல் வங்கி கடன் பெற்று மோசடி செய்யப்பட்ட புகாரில் ஆம்டெக் குழுமம் மற்றும் அதன் இயக்குநர்களான அரவிந்த் தாம், கவுதம் மல்ஹோத்ரா மற்றும் பலர் தொடர்புடைய இடங்களில் அமலாக்கத் துறை அதிகாரிகள் இன்று சோதனை நடத்தி வருகின்றனர்.

டெல்லி, குருகிராம், நொய்டா, மும்பை, நாக்பூர் ஆகிய பகுதிகளில் இந்த நிறுவனம் தொடர்புடைய சுமார் 35 வணிக மற்றும் குடியிருப்பு வளாகங்களில் இன்று காலை முதல் அதிகாரிகள் சோதனை நடத்தி வருகின்றனர்.பட்டியலிடப்பட்ட பல நிறுவனங்களில் ரூ. 20,000 கோடிக்கு மேல் வங்கி மோசடி செய்ததாகக் கூறப்படும் அம்டெக் லிமிடெட் (ஏசிஐஎல்) குழுமத்துக்கு எதிரான சிபிஐ எஃப்ஐஆர் மூலம் சிபிஐ வழக்குப் பதிவு செய்துள்ளது. இதன் அடிப்படையில் தற்போது அமலாக்கத் துறையும் வழக்குப்பதிவு செய்து விசாரணையை கையிலெடுத்துள்ளது.ரியல் எஸ்டேட், வெளிநாட்டு முதலீடு மற்றும் புதிய முயற்சிகளில் முதலீடு செய்ய கடன் தொகைகள் பயன்படுத்தப்பட்டிருப்பதாக அமலாக்கத் துறை கருதுகிறது.

விற்பனை, மூலதன சொத்துகள், கடனாளிகள் மற்றும் லாபம் ஆகியவை அதிக கடன்களைப் பெறுவதற்காக ஏசிஐஎல் குழும நிறுவன கணக்குகளில் காட்டப்பட்டுள்ளது. எனவேதான் இது செயல்படாத சொத்துகள் (என்பிஏ) வகையில் வரவில்லை.பட்டியலிடப்பட்ட நிறுவனங்களின் பங்குகள் மோசடி செய்யப்பட்டதாகக் கூறப்படுகிறது. தணிக்கையாளர்கள் / தொழில் வல்லுநர்களின் கூட்டு மூலம் அதிகக் கடன்களைப் பெறுவதற்காக நிறுவன கணக்குகள் உருவாக்கப்பட்டுள்ளன.

முறைகேடு செய்யப்பட்ட பல ஆயிரம் கோடி சொத்துகள் ஆயில் நிறுவனங்கள் பெயரில் பதுக்கி வைக்கப்பட்டுள்ளன. பல வெளிநாட்டு சொத்துகள், பினாமி இயக்குநர்கள் மற்றும் பங்குதாரர்கள் பெயர்களில் பதுக்கப்பட்டுள்ளதாக அமலாக்கத் துறை அதிகாரிகள் வட்டாரத் தகவல்கள் தெரிவிக்கின்றன.