திருவள்ளூர் மாவட்டம், கும்மிடிப்பூண்டி தொகுதிக்குட்பட்ட ஈகுவார்பாளையம், நேமலூர், மாதர்பாக்கம், ரெட்டபேடு,உள்ளிட்ட பல்வேறு பகுதிகளில் பழங்குடியினர் மக்கள் வசித்து வருகின்றனர்.இந்த நிலையில் இவர்களுக்கு வீட்டுமனையுடன் கூடிய இலவச பட்டா வழங்கக்கோரி 100-க்கும் மேற்பட்ட பழங்குடியின மக்கள் கும்மிடிப்பூண்டி சட்டமன்ற உறுப்பினரும்,திமுக தலைமைச் செயற்குழு உறுப்பினருமான டி.ஜெ.கோவிந்தராஜனை சந்தித்து கோரிக்கை மனு அளித்தனர்.
பின்னர் பேசிய எம்.எல்.ஏ டி.ஜெ.கோவிந்தராஜன் இதுகுறித்து மாவட்ட ஆட்சியர் கவனத்திற்கு கொண்டு சென்று அனைவருக்கும் வீட்டு மனையுடன் கூடிய இலவச பட்டா வழங்க உரிய நடவடிக்கை எடுக்கப்படும் என உறுதி அளித்தார். இதனைத் தொடர்ந்து கோரிக்கை மனு அளிக்க வந்திருந்த 100-க்கும் மேற்பட்ட பழங்குடியின மக்களுக்கு மதிய உணவினை வழங்கினார்.
இதில் ஆதிவாசி அமைப்புகளின் கூட்டமைப்பு மாநில பொதுச் செயலாளர் குணசேகர்,இருளர் முன்னேற்ற சங்கத் தலைவர் முனுசாமி, துணைச் செயலாளர் சந்திரன், பொருளாளர் ருக்மணி,வட்டார தலைவர் சங்கர், உள்ளிட்ட நிர்வாகிகள் மற்றும் பலர் கலந்து கொண்டனர்.
0 Comments