தாமரைக்குளம் பேரூராட்சி மாதாந்திர கூட்டம்..... மாற்றுத்திறனாளி நியமன உறுப்பினர் தேர்வு



தேனி மாவட்டம், பெரியகுளம் அருகே தாமரைக்குளம் பேரூராட்சி அலுவலக வளாகத்தில் மாதாந்திர கூட்டம் நடைபெற்றது. இந்த கூட்டத்திற்கு, தாமரைக்குளம் பேரூராட்சி சேர்மன் பால்பாண்டியன் தலைமை தாங்கினார். துணைத் தலைவர் மலர்க்கொடி பொன்.சேதுராமன், செயல் அலுவலர் ஆகியோர் முன்னிலை வகித்தனர். வார்டு உறுப்பினர்கள் திரளாக கலந்து கொண்டனர். 

இந்த மாதாந்திர பேரூராட்சி கூட்டத்தில், தாமரைக்குளம் பேரூராட்சிக்குட்பட்ட பகுதிகளில் நிறைவேற்றப்பட வேண்டிய அடிப்படை வசதிகள் குறித்த தீர்மானங்கள் நிறைவேற்றப்பட்டன. முன்னதாக, தாமரை குளம் பேரூராட்சி மாற்றுத்திறனாளிகள் நியமன உறுப்பினராக ராமையா தேர்வு செய்யப்பட்டார். அவருக்கு, தாமரைக் குளம் பேரூராட்சி செயல் அலுவலர் மற்றும் தாமரைக் குளம் பேரூராட்சி சேர்மன் , வார்டு உறுப்பினர்கள் தங்களது வாழ்த்துக்களை தெரிவித்துக் கொண்டனர். மாற்றுத்திறனாளிகள் நியமன உறுப்பினர் ராமையா மாடிப்படிகள் ஏறி செல்ல முடியாத காரணத்தால், அலுவலக தரைதளத்தில் மாதாந்திர கூட்டம் நடைபெற்றது என்பது குறிப்பிடத்தக்கது.

Post a Comment

0 Comments