வினைதீர்த்தநாடார்பட்டி பள்ளியில் அரசு வேலைவாய்ப்பு போட்டித் தேர்வுகளுக்கான விழிப்புணர்வு வகுப்பு


திப்பணம்பட்டி வினைதீர்த்தநாடார்பட்டி பள்ளியில் அரசு வேலைவாய்ப்பு போட்டித் தேர்வுகளுக்கான விழிப்புணர்வு வகுப்பு நடைபெற்றது.

திப்பணம்பட்டி கிளை நூலக பாரதியார் வாசகர் வட்டம் சார்பில் வினைதீர்த்த நாடார்பட்டி அரசு மேல்நிலைப் பள்ளியில் பயிலும் 12ம் மாணவர்களுக்கு,  மத்திய மற்றும் மாநில அரசு வேலை வாய்ப்புகள் போட்டித் தேர்வுகளுக்கான விழிப்புணர்வு வகுப்பு நடத்தப்பட்டது. பள்ளித் தலைமை ஆசிரியர் ராணி தலைமை வகித்தார், நூலகர் ரவிச்சந்திரன், சாலை பாதுகாப்புக் குழு உறுப்பினர் பாண்டியராஜா முன்னிலை வகித்தனர், உதவி தலைமை ஆசிரியர் தங்கராஜ் வரவேற்றார்.

பயிற்சியாளர் அரிகிருஷ்ணன் கலந்துகொண்டு டிஎன்பிஎஸ்சி, யூபிஎஸ்சி, எஸ்எஸ்சி, டிஆர்பி, டெட் , மற்றும் போலீஸ் துறைகளுக்கான வேலை வாய்ப்புகளுக்கான போட்டித் தேர்வு விழிப்புணர்வு வகுப்பினை மாணவர்களுக்கு எடுத்தார். வகுப்பு முடிவில்,  மாணவர்களின் எழுப்பிய சந்தேகங்களுக்கு பதில்கள் வழங்கப்பட்டன.மேலும் இந்த நிகழ்ச்சியின் முடிவில் காலாண்டு தேர்வில் சிற்பிடம் பெற்ற 6ம் வகுப்பு முதல் பன்னிரென்டாம் வகுப்பு வரை 60 மாணவர்களுக்கு பரிசுகள் வழங்கப்பட்டன. முடிவில் வாசகர் வட்டத் தலைவர் தங்கராஜ் நன்றி கூறினார். ஏற்பாடுகளை ஆசிரியர்கள் ஆறுமுக நயினார், அன்புமலர் செய்திருந்தனர்.

Post a Comment

0 Comments