அண்ணா திராவிட முன்னேற்றக் கழகத்தின் சார்பில் திருவள்ளூர் வடக்கு மாவட்டம்,ஒருங்கிணைந்த மீஞ்சூர் ஒன்றியத்தை பிரித்து மீஞ்சூர் ஒன்றியம் கிழக்கு,மேற்கு,தெற்கு என மூன்றாக பிரித்து அதற்கு புதிய ஒன்றிய செயலாளர்களை பொதுச் செயலாளர் எடப்பாடி பழனிச்சாமி அறிவித்தார். அதன்படி மீஞ்சூர் மேற்கு ஒன்றியத்திற்கு கிருஷ்ணாபுரம் ஜி.எஸ்.வினோத் நியமிக்கப்பட்டார்.
நேற்று முன்தினம் மாவட்ட செயலாளர் சிறுணியம் பலராமனிடம் ஆசி பெற்றபின் அதிமுக கிளை கழக நிர்வாகிகளை சந்திக்கும் பொருட்டு மீஞ்சூர் மேற்கு ஒன்றியத்துக்கு உட்பட்ட சேகண்யம்,பூங்குளம்,சேலியம்பேடு,கள்ளூர்,அகரம்,பெரிய கரும்பூர், குமரன்சேரி.சிருளப்பாக்கம் ஆகிய ஊராட்சிகளில் இருக்கின்ற கிளைக் கழக செயலாளர்கள் மற்றும் நிர்வாகிகளை சந்தித்து அவர்களுக்கு சால்வை அணிவித்து மரியாதை செய்தார். அப்போது சேலியம்பேடு ஊராட்சியில் கங்காணி மேடு பகுதியில் கும்பலாக சென்று கொண்டிருந்த பெண்கள் வினோத்தை கண்டு யார் என விசாரித்தனர். அப்பொழுது அதிமுக புதிய ஒன்றிய செயலாளர் என கூறவே இப்பகுதியில் தமிழக அரசால் சாலை புதிய சாலைகள் போடப்படவில்லை எனவும் இன்னும் குடிநீர் பிரச்சனைகள் இருப்பதாகவும் அதிமுக ஆட்சியில் போடப்பட்ட சாலைகள் தான் தற்போதும் தங்கள் பயன்பாட்டில் இருப்பதாகவும் கூறி தாங்கள் பிரச்சனைகளை தீர்ப்பதற்கு உரிய அதிகாரிகளிடம் பேச வேண்டும் என கூறினர்.
அதற்கு அதிமுக மீண்டும் ஆட்சி அமைக்கும் தருவாயில் இது போன்ற பிரச்சனைகள் உங்களுக்கு ஏற்படாது எனவும் தற்போதைய பிரச்சினைகளுக்கு தக்க அதிகாரிகளிடம் பேசி நடவடிக்கை எடுக்க பரிந்துரை செய்வதாகவும் வினோத் கூறினார்.இதை கண்டு மகளிர் குழுவினர் மகிழ்ச்சியுடன் அதிமுக துண்டுகளை தங்கள் தோள்களில் ஏந்தி அதிமுகவை தாங்கள் ஆதரிப்பதாக கூறினர்.
இதேபோன்று சேகண்யம்,பூங்குளம்,பெரிய கரும்பூர் மற்றும் அண்ணாமலை சேரி கிராமத்திலும் பொதுமக்கள் வினோத்திற்கு உற்சாக வரவேற்பு அளித்தனர். இந்த நிகழ்ச்சியில் அதிமுக நிர்வாகிகள் மாங்கோடு மோகன்,தேவம்பட்டு உதயகுமார்,சேகண்யம்,சீனு,செந்தில்,தேவன்,பெரிய கரும்பூர் காண்டீபன், குமரஞ்சேரி சேரி கிளைச் செயலாளர் குமரன் ராம்குமார் சேகர் குமரேசன்.அண்ணாமலைப் சேரி பூங்காவனம், சுகுமார் உள்ளிட்டோர் உடன் இருந்தனர்.
0 Comments