ராமநாதபுரம் மாவட்டம் திருவாடானை மற்றும் ஆர்.எஸ்.மங்கலம் வட்டார விவசாய ஒருங்கிணைப்பு குழுவின் ஆலோசனைக் கூட்டம் இன்று திருவாடானை பெரிய கோவில் வளாகத்தில் நடைபெற்றது.
கூட்டத்தில், தமிழக அரசு தேர்தல் வாக்குறுதியில் அறிவித்தபடி, கூட்டுறவு வங்கிகளில் பெறப்பட்ட விவசாயக் கடன்களை முழுமையாகத் தள்ளுபடி செய்யும் உத்தரவை எவ்வித நிபந்தனையுமின்றி உடனடியாக அமல்படுத்த வேண்டும் என வலியுறுத்தப்பட்டது. இக்கோரிக்கையை வலியுறுத்தி, வரும் ஜூன் 8-ஆம் தேதி திருவாடானை தாலுகா அலுவலகத்தின் முன்பாகப் பெருந்திரள் ஆர்ப்பாட்டம் நடத்துவதென முடிவு செய்யப்பட்டது.
இது தொடர்பான கோரிக்கை மற்றும் போராட்ட அறிவிப்பு மனுவை தாலுகா அலுவலகத்தில் விவசாயிகள் சமர்ப்பித்தனர். மேலும், இந்த ஆர்ப்பாட்டத்தை அமைதியான முறையில் நடத்துவதற்கு காவல்துறையினரிடமும் உரிய அனுமதி பெறப்பட்டுள்ளதாக விவசாய ஒருங்கிணைப்பு குழு நிர்வாகிகள் தெரிவித்துள்ளனர்.
0 Comments