கழிவுப் பொருட்களில் இருந்து பயனுள்ள படைப்புகள்..... சேது ஐராணி பள்ளி மாணவர்கள் சாதனை.....

கழிவுப் பொருட்களை பயனுள்ள மற்றும் செயல்பாட்டு படைப்புகளாக மாற்றும் திறனை மாணவர்களிடையே ஊக்குவிக்கும் வகையில், மதுரையில் கல்பதரு அறக்கட்டளை சார்பில் “கிரியேட்டிவ் ரீயூஸ் – கழிவுகளை பயனுள்ள மற்றும் செயல்பாட்டு படைப்புகளாக மாற்றுதல்” என்ற கருப்பொருளில் 2026-ம் ஆண்டிற்கான போட்டி நடைபெற்றது.

மதுரையில் நடைபெற்ற இப்போட்டியில் தமிழ்நாடு முழுவதும் இருந்து 400-க்கும் மேற்பட்ட மாணவர்கள் ஆர்வத்துடன் கலந்து கொண்டனர்.கழிவுகளை குறைத்தல், பொருட்களை மறுபயன்படுத்துதல் மற்றும் சுற்றுச்சூழலை பாதுகாப்பது குறித்த விழிப்புணர்வை மாணவர்களிடையே ஏற்படுத்தும் நோக்கில் இப்போட்டி நடத்தப்பட்டது.

இதில் 7 முதல் 12-ம் வகுப்பு மாணவர்களுக்கான பிரிவில், சிவகங்கை மாவட்டம் கண்டரமாணிக்கம் சேது ஐராணி மெட்ரிக் மேல்நிலைப் பள்ளியில் 9-ம் வகுப்பு பயிலும்  திருக்குமரன், தனது புதுமையான மற்றும் பயனுள்ள படைப்பிற்காக முதல் பரிசை வென்று சாதனை படைத்தார்.

இதே பள்ளியைச் சேர்ந்த 9-ம் வகுப்பு மாணவிகள் பிரதிஷ்கா மற்றும் அனுஜா ஆகியோர் தங்களது சிறப்பான படைப்புகளுக்காக சிறப்பு பாராட்டு விருதை பெற்றனர்.மாநில அளவிலான போட்டியில் மாணவர்கள் சிறப்பிடம் பெற்றிருப்பது சேது ஐராணி மெட்ரிக் மேல்நிலைப் பள்ளிக்கு பெருமை சேர்த்துள்ளது.

“கழிவு என்பது குப்பை அல்ல; அதை முறையாக மறுபயன்படுத்தினால் பயனுள்ள பொருளாகவும், புதிய படைப்பாகவும் மாற்ற முடியும்” என்ற சிந்தனையை மாணவர்களிடையே விதைத்த இந்நிகழ்வு, இளம் தலைமுறையின் படைப்பாற்றலையும் சுற்றுச்சூழல் பாதுகாப்பு மீதான அக்கறையையும் ஊக்குவிக்கும் வகையில் அமைந்தது.