மயிலாடுதுறை மாவட்டம் குத்தாலம் அருகே திருவாவடுதுறை ஆதீனத்தில் 23-வது குருமகா சன்னிதானம் ஸ்ரீசிவப்பிரகாச தேசிக மூர்த்திகள் குருபூஜை வெள்ளிகிழமை நடைபெற்றது.குருபூஜையை முன்னிட்டு ஸ்ரீசிவப்பிரகாச தேசிகர் குருமூர்த்தத்தில் சிறப்பு அபிஷேகம் மற்றும் தீபாராதனை நடைபெற்றது.
குருபூஜையில் ஆதீன 24-வது குருமகா சன்னிதானம் ஸ்ரீலஸ்ரீ அம்பலவாண தேசிக பரமாச்சாரிய சுவாமிகள் கலந்துகொண்டு,பூசை.ஆட்சிலிங்கம் தொகுத்த ஊழிக்கடவுளர் ஏகபாதர் கங்காளர் என்ற நூலையும்,ஆதீன வெளியீட்டு நூலான சிவப்பிரகாசம் - மதுரை சிவப்பிரகாசர் உரை என்ற நூலையும் வெளியிட்டார்.பின்னர் மாலையில் நடந்த நிகழ்ச்சியில் திருமுறை விண்ணப்பத்தை திருவாவடுதுறை பு.சோ.மகாலிங்க ஓதுவா மூர்த்திகள் வாசித்தார்.
ஆதீன கட்டளை ஸ்ரீமத் வேலப்பத்தம்பிரான் சுவாமிகள் அனைவரையும் வரவேற்றார். பின்னர் இரா. மணிகண்டன் சிறப்பு சொற்பொழிவு நிகழ்த்தினார். ஸ்ரீமத்கட்டளை தம்பிரான் சுவாமிகள்,கண்காணிப்பாளர் சண்முகம்,ஆதீன புலவர் குஞ்சிதபாதம்,ஆதீன மேல்நிலைப் பள்ளி தலைமை ஆசிரியர் ஞானமூர்த்தி,உட்பட பலர் கலந்து கொண்டனர்.குருபூஜையில் நாட்டின் பல்வேறு பகுதிகளில் இருந்தும் பக்தர்கள் கலந்துகொண்டு தரிசனம் செய்தனர்.
0 Comments