தேனி மாவட்டம், கடமலை மயிலை ஊராட்சி ஒன்றியத்திற்குட்பட்ட நரியூத்து ஊராட்சியில், தமிழக அரசின் சாதனை திட்டங்கள் குறித்த புகைப்பட கண்காட்சி தேனி மாவட்ட செய்தி மக்கள் தொடர்பு துறை ஏற்பாட்டின் படி நடத்தப்பட்டது. தேனி மாவட்டத்தில் தமிழக அரசின் சார்பில் அறிவிக்கப்பட்டள்ள மக்கள் நலத் திட்டங்கள், நிறைவேற்றப்பட்ட நலத்திட்டங்கள், மற்றும் மாவட்ட நிர்வாகம் சார்பில் தமிழக அரசின் சாதனைத் திட்டங்களை மக்களிடம் கொண்டு செல்லும் வகையில் நடத்தப்பட்ட நிகழ்ச்சிகள் உள்ளிட்டவை இந்த புகைப்பட கண்காட்சியில் இடம் பெற்றிருந்தன.
தேனி மாவட்ட ஆட்சித் தலைவர் ரஞ்சித் சிங் தலைமையிலான மாவட்ட நிர்வாகம், தமிழக அரசின் சாதனை திட்டங்களை நிறைவேற்றி வரும் பாங்கினை இந்த புகைப்பட கண்காட்சி பறைசாற்றியது. இந்த புகைப்பட கண்காட்சிக்கான ஏற்பாடுகளை ,தேனி மாவட்ட செய்தி மக்கள் தொடர்பு துறை அலுவலர் நல்லதம்பி அறிவுறுத்தலின் பேரில், தேனி மாவட்ட செய்தி மக்கள் தொடர்பு துறை அலுவலக பணியாளர்கள் சிறப்பாக செய்திருந்தனர்.
ஊராட்சி பகுதிக்கு உட்பட்ட பொதுமக்கள், முதியோர், பெண்கள் என அனைத்து தரப்பினரும் புகைப்பட கண்காட்சியில் காட்சிப்படுத்தப்பட்டிருந்த தமிழக அரசின் சாதனை திட்டங்கள் குறித்த புகைப்படங்களை கண்டு ரசித்தனர்.
0 Comments