கள்ளக்காதலை கண்டித்த மாமனாரை தீ வைத்து கொலை செய்ய முயற்சித்த மருமகள்

 

கடலூர் மாவட்டம் பண்ருட்டி அருகே, 60 வயதான ராஜேந்திரன் என்பவர் உடல் முழுவதும் நெருப்பு பற்றி எரிந்தபடி அலறியடித்து ஓடி வந்த காட்சி அந்தப் பகுதியையே உறைய வைத்துள்ளது. காரில் வந்த ஒரு மர்மக் கும்பல் ராஜேந்திரன் மீது பெட்ரோலை ஊற்றித் தீ வைத்துவிட்டு மின்னல் வேகத்தில் தப்பியது. உயிருக்குப் போராடிய அவரைப் பார்த்த அங்கிருந்த மக்கள் அதிர்ச்சியில் உறைந்து போயினர். தற்போது ராஜேந்திரன் பலத்த தீக்காயங்களுடன் மருத்துவமனையில் தீவிர சிகிச்சைப் பிரிவில் அனுமதிக்கப்பட்டுள்ளார்.

 காவல்துறையினர் நடத்திய முதற்கட்ட விசாரணையில் வெளிவந்த உண்மைகள் ஒட்டுமொத்த ஊரையும் அதிர வைத்துள்ளது.ராஜேந்திரனின் மருமகளே இந்த விபரீதச் செயலுக்குப் பின்னணியில் இருந்தது தெரியவந்துள்ளது. கணவர் இறந்த பிறகு, அந்தப் பெண் வேறொரு நபருடன் பழகி வந்ததாகக் கூறப்படுகிறது. இதனை மாமனார் ராஜேந்திரன் கண்டித்ததோடு, குடும்ப கௌரவம் பற்றிப் பேசியது அந்தப் பெண்ணுக்கு ஆத்திரத்தை ஏற்படுத்தியுள்ளது. இதனால் ஆத்திரமடைந்த மருமகள், தனது நண்பர்களுடன் சேர்ந்து கார் மூலம் வந்து மாமனாருக்குத் தீ வைத்து கொலை செய்ய முயன்றுள்ளார். கள்ளக்காதல் விவகாரத்தில் சொந்த மாமனாரையே உயிரோடு எரிக்கத் துணிந்த மருமகளின் இந்தச் செயல் பண்ருட்டி பகுதியில் பெரும் பரபரப்பை ஏற்படுத்தியுள்ளது.