தமிழக வெற்றிக் கழகத்தின் முக்கிய வியூகவகுப்பாளராக அறியப்படும் ஜான் ஆரோக்கியசாமி கட்சியில் இருந்து விலக திட்டமிட்டுள்ளதாக தகவல் வெளியாகி உள்ளன. நடிகர் விஜயின் அரசியல் நகர்வுகளுக்கு பின்னணியில் இருந்து செயல்பட்டு வந்த அவர்,அண்மையில் கட்சியில் இணைந்த ஆதவ் அர்ஜுனாவின் வருகைக்கு பிறகு தான் ஓரங்கட்டப்படுவதாக உணர்ந்து கடும் அதிருப்தியில் இருப்பதாக கூறப்படுகிறது.
இதன் வெளிப்பாடாக, விஜய்யுடன் பேசுவதைத் தவிர்த்து வரும் அவர், கட்சியின் மூன்றாம் ஆண்டு விழாவை ஒட்டி அளிக்கப்பட்ட விருந்து நிகழ்ச்சியிலும் பங்கேற்கவில்லை எனத் தெரிகிறது. கட்சித் தலைமையின் செயல்பாடுகள் மற்றும் உள் விவகாரங்களில் நிலவும் அதிருப்தி காரணமாக, விரைவில் அவர் தனது வெளியேற்றத்தை அதிகாரப்பூர்வமாக அறிவிக்கக்கூடும் என அரசியல் வட்டாரங்களில் பரபரப்பாகப் பேசப்படுகிறது.
0 Comments