திமுக துணைப்பொதுச்செயலாளரும், உயர்கல்வித்துறை அமைச்சருமான பொன்முடி மற்றும் அவரது மனைவி மீதான சொத்துக்குவிப்பு வழக்கு சென்னை ஐகோர்ட்டில் நடைபெற்று வந்தது.
இந்த வழக்கில் அமைச்சருமான பொன்முடி மற்றும் அவரது மனைவி குற்றவாளிகள் என்று தீர்ப்பளித்த சென்னை ஐகோர்ட்டு, குற்றவாளிகள் இருவருக்கும் 3 ஆண்டுகள் சிறை தண்டனை, 50 லட்ச ரூபாய் அபராதம் விதித்தது. இந்த தீர்ப்பை தொடர்ந்து பொன்முடியின் அமைச்சர் பதவி பறிக்கப்பட்டது. அதேவேளை, இந்த வழக்கில் 3 ஆண்டுகள் சிறை தண்டனை விதிக்கப்பட்டபோதும் மேல்முறையீடு செய்ய 30 நாட்கள் அவகாசம் விதிக்கப்பட்டுள்ளது.
இதனிடையே, முன்னாள் அமைச்சர் பொன்முடி நேற்று முதல்-அமைச்சர் மு.க.ஸ்டாலினை சந்தித்தார். இந்த சந்திப்பின்போது வழக்கு தொடர்பான மேல்முறையீடு உள்ள விவகாரங்கள் குறித்து ஆலோசிக்கப்பட்டதாக தகவல் வெளியானது.
இந்நிலையில், முன்னாள் அமைச்சர் பொன்முடியை முன்னாள் எம்.பி. மு.க.அழகிரி இன்று சந்தித்தார். பொன்முடி வீட்டில் இந்த சந்திப்பு நடைபெற்றது. சொத்துக்குவிப்பு வழக்கில் 3 ஆண்டுகள் சிறைதண்டனை விதிக்கப்பட்டுள்ள திமுக முன்னாள் அமைச்சர் பொன்முடியை, மு.க. அழகிரி சந்தித்துள்ள நிகழ்வு அரசியல் வட்டாரத்தில் பரபரப்பை ஏற்படுத்தியுள்ளது.
No comments:
Post a Comment