ஈரோடு - பீகார் இடையே அம்ரித் பாரத் எக்ஸ்பிரஸ் ரெயில்...... 15-ம் தேதி பிரதமர் மோடி தொடங்கி வைக்கிறார்......

 

ரெயில்வே வெளியிட்டுள்ள அறிவிப்பில் தெரிவித்திருப்பதாவது:-

ஈரோடு - ஜோக்பானி - ஈரோடு அம்ரித் பாரத் எக்ஸ்பிரஸ் (வாராந்திரம்) அறிமுகப்படுத்த ரெயில்வே அமைச்சகம் ஒப்புதல் அளித்துள்ளது.

அதன்படி, ஜோக்பானி - ஈரோடு அம்ரித் பாரத் எக்ஸ்பிரஸின் தொடக்க ஓட்டத்தை, பிரதமர் நரேந்திர மோடி, ஜோக்பானி ரெயில் நிலையத்தில் இருந்து 15.09.2025 (திங்கட்கிழமை) அன்று கொடியசைத்துத் தொடங்கி வைப்பார். இது பீகாரில் இந்திய-நேபாள எல்லையில் அமைந்துள்ள ஜோக்பானி, நேபாளத்திற்கான நுழைவாயிலாக செயல்படுகிறது. புதிய ரெயில் சேவை தென் மாநிலங்களுக்கும் பீகார் மாநிலத்திற்கும் இடையே தடையற்ற இணைப்பை வழங்கும்.

ஜோக்பானி - ஈரோடு அம்ரித் பாரத் எக்ஸ்பிரஸ் தொடக்க சிறப்பு ரெயில் (வண்டி எண். 06602), செப்டம்பர் 15, 2025 அன்று மதியம் 3.30 மணிக்கு ஜோக்பானியில் இருந்து புறப்பட்டு, பூர்னியா, ஹாஜிபூர் பிடி போன்ற முக்கியமான நிலையங்கள் வழியாக இயக்கப்பட்டு செப்டம்பர் 18, 2025 அன்று காலை 07.00 மணிக்கு ஈரோடு சென்றடையும்.

இயக்கப்படும் வழி: தீன் தயாள் உபாத்யாயா, சத்னா, கட்னி, நாக்பூர், பால்ஹர்ஷல், ஓங்கோல், கூடூர் மற்றும் தெற்கு ரெயில்வேயின் நாயுடுபேட்டா, பெரம்பூர், அரக்கோணம், காட்பாடி, ஜோலார்பேட்டை மற்றும் சேலம் ஆகிய இடங்களுக்குச் சென்று செப்டம்பர் 2025 அன்று இறுதி இலக்கான ஈரோட்டை சென்றடையும்.

ரெயில் பெட்டி அமைப்பு: ஒரு அம்ரித் பாரத் ரேக், ஸ்லீப்பர் வகுப்புடன் (ஏசி அல்லாதது) - 8 பெட்டிகள், பொது இரண்டாம் வகுப்பு (முன்பதிவு செய்யப்படாதது) - 11 பெட்டிகள், லக்கேஜ்-கம்-பிரேக் வேன் - 2 பெட்டிகள், பேன்ட்ரி கார் - 1 பெட்டி

ரெயில் எண்: 16601/16602 ஈரோடு-ஜோக்பானி-ஈரோடு அம்ரித் பாரத் எக்ஸ்பிரஸின் வழக்கமான சேவை விரைவில் அறிவிக்கப்படும்.

இவ்வாறு அதில் தெரிவிக்கப்பட்டுள்ளது.