இலஞ்சி இராமசுவாமி பிள்ளை மேல்நிலைப் பள்ளியில் தென்காசி ஆகாஷ் பிரண்ட்ஸ் ஐ.ஏ.எஸ் அகடமி சார்பில் 76 வது தேசிய சட்ட தின விழா நடைபெற்றது தலைமை ஆசிரியர் ஆறுமுகம் தலைமை வகித்தார். ஆகாஷ் பிரண்ட்ஸ் ஐ ஏ எஸ் அகடமி நிர்வாக இயக்குநர் மாரியப்பன் , மேலாளர் செந்தில் குமார், உதவித் தலைமை ஆசிரியர் சித்திரை சபாபதி ஆகியோர் முன்னிலை வகித்தனர்.
என்.சி.சி,ஜே.ஆர்.சி. தேசிய பசுமைப் படை, சாரண சாரணிய மாணவர்கள் வரவேற்றனர். ஆசிரியர் கிருஷ்ணம்மாள் தலைமையில் மாணவர்கள் இறை வணக்கம் பாடினர். ஆசிரியர் முத்துக்குமார் அறிமுக உரையாற்றினார். கூடுதல் மாவட்ட உரிமையியல் நீதிபதி கே.என்.குரு சிறப்பு விருந்தினராக பங்கேற்று பல்வேறு போட்டிகளில் வெற்றி பெற்றோருக்கு பாராட்டுச் சான்று மற்றும் பரிசு வழங்கி வாழ்த்தினார்.
பின்னர் நீதிபதி தலைமையில் மாணவர்கள் மற்றும் ஆசிரியர்கள் அரசியலமைப்பு முகவுரையை உறுதிமொழியாக ஏற்றனர். இதில் கலந்து கொண்ட அனைவருக்கும் ஈதல் அறக்கட்டளை சார்பில் பாராட்டுச் சான்று வழங்கப்பட்டது. விழாவில் ஓவிய ஆசிரியர் கணேசன், என்.சி.சி அலுவலர் செந்தில் பாபு உட்பட பலர் கலந்து கொண்டனர். முடிவில் ஆசிரியர் ஐயப்பன் நன்றி கூறினார்.

0 Comments