தமிழக அரசியலில் கூட்டணி குறித்த பேச்சுவார்த்தைகள் தீவிரமடைந்துள்ள நிலையில், டிடிவி தினகரன் தலைமையிலான அமமுக, நடிகர் விஜய்யின் தமிழக வெற்றிக் கழகத்துடன் (தவெக) கூட்டணி அமைக்கவே பெரிதும் விரும்பியதாக அதிமுகவின் முக்கிய நிர்வாகியான செங்கோட்டையன் தெரிவித்துள்ளார்.இது குறித்து அவர் கூறுகையில், தவெக-வுடன் கூட்டணி அமைக்க தினகரன் விருப்பம் காட்டிய போதிலும், தற்போதைய அரசியல் சூழல் அதற்குச் சாதகமாக அமையவில்லை எனத் தெரிவித்தார்.குறிப்பாக, தேசிய ஜனநாயகக் கூட்டணியில் அதிமுக மற்றும் பாஜகவுடன் மீண்டும் கைகோர்க்க வேண்டிய கட்டாயம் ஏற்பட்டதற்கான பின்னணியை அவர் தனது பேட்டியில் சூசகமாகச் சுட்டிக்காட்டினார்.டெல்லியில் இருந்து வரும் அழுத்தங்கள் குறித்து அதிருப்தி வெளியிட்ட அவர், “நாங்கள் யாருடன் கூட்டணி பேச்சுவார்த்தை நடத்துகிறோம் என்பதை அறிந்து, டெல்லியில் இருந்து உடனடியாகத் தலையிடுகிறார்கள்” எனத் தெரிவித்தார்.
தமிழக அரசியல் சூழலும், எங்களுக்குள்ள பிரச்சனைகளும் எங்களுக்குத்தான் நன்றாகத் தெரியும் என்றும், டெல்லி மேலிடம் இதில் தலையிடுவது தேவையற்றது என்றும் அவர் காட்டமாகக் குறிப்பிட்டார்.
மேலும் செங்கோட்டையனின் இந்தத் திடீர் வெளிப்படைத் தன்மை, அதிமுக – பாஜக கூட்டணியின் உட்பூசல்களையும், விஜய்யின் தவெக கட்சிக்கு உள்ள அரசியல் முக்கியத்துவத்தையும் வெளிச்சம் போட்டுக்காட்டுவதாக அரசியல் விமர்சகர்கள் கருதுகின்றனர்.
0 Comments