கட்டுமாவடி மீன்மார்க்கெட்டில் இரண்டு திருக்கை மீன்கள் ரூ.16,800 க்கு விற்பனை

கட்டுமாவடி மீன் மார்க்கெட்டில் 56 கிலோ எடை கொண்ட இரண்டு திருக்கை மீன்கள் விற்பனைக்கு வந்தது. இந்த இரண்டு மீன்களும் 16 ஆயிரம் ரூபாய்க்கு ஏலம் போனது.

புதுக்கோட்டை மாவட்டம் கட்டுமாவடியில் பெரிய மீன் மார்க்கெட் உள்ளது. இங்கு தமிழகத்தின் பல மாவட்டங்களிலிருந்து மீன்கள் விற்பனைக்கு வருகின்றன. அதேபோன்று இங்கிருந்து மீன்களும் வெளி மாவட்டங்களுக்கு ஏற்றுமதியாகின்றன. இங்கு அரிய வகை மீன்களும், ராட்சத மீன்களும் விற்பனைக்கு வருகிறது. இந்நிலையில் தூத்துக்குடியிலிருந்து இன்று (ஞாயிற்றுக்கிழமை) வந்த சரக்கு வாகனத்தில் இரண்டு ராட்சத திருக்கை மீன்கள் கொண்டுவரப்பட்டது. 56 கிலோ எடை கொண்ட  திருக்கை மீன் கிலோ 150 வீதம் 8,400 க்கு விற்பனையானது. இதேபோன்று மற்றொரு திருக்கையும் விற்பனையானது. இரண்டு திருக்கை மீனையும் சேர்த்து 16,800 க்கு விற்பனையானது. இந்த மீன்களை அறந்தாங்கியைச் சேர்ந்த மீன் வியாபாரி ஒருவர் ஏலம் எடுத்தார். இந்த மீன் ஒரு கிலோ 250 முதல் 300 ரூபாய் வரை மார்க்கெட்டில் விற்பனையாகிறது.